صاحبى اللى كان نفسه يحضر جنازة الريس

كل ما تطلع اشاعة موت الرئيس أفتكر واحد صاحبى

الراجل ده كان بيكرة الريس كره العمى كل ما تتجددله فترة رئاسة جديدة

يعد يشتم و يسب و يلعن...هو الراجل ده مش هايفارقنا بقى

هو مافيش حد قادر يعمل فيه زى ما عمل فى السادات

هو....هو...هو...

و تجيله حالة اكتئاب مايفوقش منها إلا بعد فترة

لما اتجدد للريس الفترة اللى قبل اللى فاتت كان الرئيس تخطى السبعين خريفا تقريبا

صاحبى ده ما كنش زعلان قوى زى كل مرة

و لما سألته

انت يعنى مش منفعل زى كل مره؟خلاص عرفت اللى فيها و سلمت

قالى

أصلى حاسس انه إن شاء الله هيكون ده آخر تجديد له

ده خلاص يا عم عدا السبعين وان شاء الله يموت قبل ما يتم الفترة دى

و ان شاء الله هحضر جنازته

و تمر الأيام و السنين

و يموت صاحبى ده قبل ما تنتهى فترة الرئاسة

و فضل الرئيس هو اللى عايش

و صاحبى ده ما نالش أمنتيته انه يحضر جنازة الرئيس

و اتجدد للرئيس بعد كده تانى

الحمد الله ان صاحبى مات

لإنه لو كان عايش و بيشوف و يسمع الإشعات دى

أكيد كان هيموت مجنون