نفسى أرجع شِبل تانى
نفسى تعود بيّاَ السنين
أصلى واحْشَانى الطفولة
و القلوب الطَيّبين
نفسى قلبى يبقى صغير
مش كبير لكن حزين
نفسى أرجع شِبل تانى.... نفسى تعود بيّاَ السنين
نفسى فى رحلة مع أشبال
نجرى نلعب مبسوطين
نفسى ألعب مَتْش كورة
مع اخوانى و فرحانين
نفسى نزعل من بعضينا
زى ما كنّا صغيرين
و يوم ما يحصل بنا خلاف
نستشير المسؤلين
ولا نِقَلّب فى المواجع
ولا نِتْخانق بالتدوين
نفسى أرجع شِبل تانى.... نفسى تعود بيّاَ السنين
نفسى أحضر درس تانى
عن صحابة و تابِعين
نفسى يرجع حلمى دايما
عن عُمر و صلاح الدين
اللّى أُستاذى قاللّى عنهم
دُول فخر اسلامنا المتين
اللى شامل كل حاجْه
مش حبّه سياسة و حبّه دين
نفسى أرجع شِبل تانى.... نفسى تعود بيّاَ السنين
نفسى أرجع للهِتاف
عن القدس و فلسطين
وتجرى دموعى و أنا بتفرج
على فيلم عن دير ياسين
نفسى لما أفَجّر غضبى
يُبْقى هدفى الظالمين
و لما أحب أنصح أُستاذى
ما أشَمِتْش فينا عَدُويّن
ده الأخوة دى دعوتنا
دعوة إخوان مسلمين
نفسى أرجع شِبل تانى
نفسى
نفسى تعود بيّاَ السنين
نفسى تعود بيّاَ السنين
أحمدورد
4 comments:
و الله يا أخى انت حكايتك حكايه
انت ناقد و لا شاعر ولا مؤلف ولا عبقرى ولا واحد مجنون
برده المتخلفين حيشتموك
في كل التعليقات اللي تحتي
وائل عباس و غزة و حماس
http://who-is-wael-abbas.blogspot.com
Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Monitor de LCD, I hope you enjoy. The address is http://monitor-de-lcd.blogspot.com. A hug.
Post a Comment